Айдаркен шаардык мэриясы тарабынан тылдын ардагерлерин жана Айдаркен шаардык жарандарды дарылоо-профилактикалык бөлүмүндө (АЖДПБ) узак жылдар бою фельдшер болуп эмгектенген жарандарды социалдык жактан колдоо максатында иш-чара жүргүзүлдү.

Аталган иш-чаранын алкагында ден соолугунун мүмкүнчүлүгү чектелген жана жардамга муктаж болгон тургундарга, айрыкча эмгек жолунда өзгөчө салым кошкон жарандарга майыптар үчүн арналган атайын жөө коляскалар (инвалиддик кресло) тапшырылды.

Бул колдоо – коомубуздагы улуу муундагы жана ден соолугунан жабыркаган жарандардын турмушун жеңилдетүүгө, аларга болгон урмат-сыйды көрсөтүүгө багытталган.

Айдаркен шаардык мэриясы мындан ары да социалдык колдоого муктаж жарандарды көмөк көрсөтүү иштерин улантат.